Cui che al è interessât a la I.C.I.:
sogjet passîf de impueste al è il proprietari di imobii, terens fabricabii o ben cui che al gjolt di un imobil il dirit reâl di usufrut, ûs, abitazion, enfiteusis e superficiis, ancje se no resident sul teritori dal Stât. Pai imobii tignûts in leasing, il sogjet passîf al è il fituâl che ju dopre.
La I.C.I. si paie in dôs ratis:
Si à di versâ la impueste che si à di paiâ in dut par ducj i imobii che a son sul teritori comunâl in dôs ratis:
la prime dentri dai 16 di Jugn, a pâr dal 50% de impueste che si à di dâ pal an in cors calcolade su la base de alicuote e des detrazions dai dodis mês dal an prin;
la seconde, dal 1n ai 16 di Dicembar, par saldâ la impueste che si à di dâ par dut l’an, cun dentri la diference eventuâl cu la prime rate za paiade. Dut câs il contribuent al à la facoltât di proviodi al versament de impueste che al à di dâ in dut intune uniche volte par dut l’an e al à di fâlu dentri dai 16 di Jugn.
In chest câs il sogjet passîf I.C.I. al varà di fâ il calcul de impueste di dâ aplicant la alicuote e lis detrazions in vore tal Comun tal an in cors e no chês deliberadis pal an prin.
No si fâs il versament se la impueste totâl di versâ par dut l’an e je compagne o inferiôr a € 5,00.
N.B.: Si à di fâ un sôl versament par ducj i imobii che si à tal Comun di Artigne.
Calcul Emende Operose I.C.I.